«Барселона» вингери Усмон Дембеле фаолиятининг 5 йилини беҳуда ўтказганини айтди.

«Мен ҳам бошқа одамлар каби ёш эдим. Бирор жойга боришим мумкин эди, аммо унчалик кўп эмасди. Сиз тасаввур қилганингиздек эмас.

Доим орқа сонимдан жароҳат олдим. Бундай бўлмаслиги учун доим ишлашим керак эди. «Агар ишламасанг, турғунлик бошланади. Кучаймасанг, ўзингга зарар етказасан», дейишди.

Ва кейин Куман даврида ҳамма нарса кескин ўзгарди. Хави билан вазият янада яхшиланди. Ўшандан бери мен ҳеч қандай жароҳат олмадим. Ишлашда давом этамиз ва ҳаммаси яхши бўлади.

«Барселона»да ўзимни ажойиб ҳис қиляпман. Бутун жамоа ва клуб менга ишонч билдирмоқда.

5 йилни беҳуда ўтказдим, аммо ҳозир ҳамма футбол ҳақида гапиряпти ва бу анча яхши.

«Барса» билан Чемпионлар Лигасида ғолиб бўлишни хоҳлайман. Жамоа бу кубокни қайтариши керак — охирги ғалабага 7 йил бўлди.

Совринлар олишимиз керак — Ла Лига, Чемпионлар Лигаси. Бу — энг муҳими», — дея 25 ёшли французнинг сўзларини келтиради RMC Sport.