Ҳимоячи Жюль Кунденинг «Барселона»даги дебюти  кечикмоқда.

Каталония клуби 21 август куни Ла Лиганинг 2-тури доирасида «Реал Сосьедад»га қарши майдонга тушади, аммо франциялик футболчи бу ўйин учун қайдномага киритилмайди, деб ёзади Marca.

«Кўк-анорранглилар» ҳалигача 23 ёшли футболчини Испания чемпионати учун рўйхатдан ўтказа олмаган.

Ҳужумчилар Мемфис Депай ва Пьер-Эмерик Обамеянгнинг сотилиши «Барса»га Кундени рўйхатдан ўтказиш имконини бериши кутилмоқда.

Ла Лиганинг 3-турида «Барса» 28 август куни «Вальядолид»ни қабул қилади.