U23 Осиё Кубогининг 2-тури бошланди. 

Кеча, 4 июнь санасида Ўзбекистон олимпиячилари Қатар ёшларига қарши баҳсда майдонга тушди. Ушбу беллашувда Темур Кападзе шогирдлари рақибларига ҳеч қандай имконият қолдирмади ва йирик 6:0 ҳисобида зафар қучди. 

Иккинчи турда ҳам ғалабага эришган «оқ бўрилар» 6 очко билан «A» гуруҳида 1-ўрин масаласини ҳал қилишди. Сабаби, гуруҳнинг яна бир учрашувида Туркманистон Эрондан 2:1 ҳисобида устун келди. 

Шу тариқа, Қаршида бўлиб ўтадиган Эронга қарши 3-тур баҳси Ўзбекистон учун шунчаки расмиятчиликка айланди. Эрон эса ушбу ўйинга ҳаёт-мамот баҳси сифатида қараши аниқ. 

Қуйида, Қатар — Ўзбекистон беллашувидан фоторепортажни томоша қилишингиз мумкин. 

Фоторепортаж муаллифи — Абдулбасит Валихонов