«Фулҳэм» Чемпионшип якунига бир тур қолганида турнир ғолиблигини қўлга киритди. 

Лондон клуби 45-турда ўз майдонида «Лутон»ни (7:0) тор-мор этди ва 2-ўриндаги «Борнмут»дан 8 очкога ўзиб кетди. «Борнмут» қолган икки ўйинида ғалаба қозонса ҳам, пешқадамга ета олмайди. 

«Фулҳэм» тўпурари Александр Митрович эса 43 ўйинда 43та гол уриб, рекорд ўрнатди. АПЛга асос солинган 1992 йилдан бери 2-дивизионда ҳеч бир футболчи бунча кўп тўп киритмаган.