Франция президенти Эммануэль Макрон Килиан Мбаппени Франция чемпионатида қолишини истамоқда.

«Афсуски, Килиан Мбаппенинг «Марсель»га ўтиши ҳаттоки вариант сифатида ҳам кўриб чиқилаётгани йўқ. Агар у бу клубга ўтишга розилик берса, трансфер амалга ошиши учун ҳаттоки курашган бўлардим. Бироқ у «Марсель»га ўтиш таклифимни жуда тез рад этган.

Мбаппенинг Франция чемпионатида қолиши учун курашиш керак. Килиан – ақлбовар қилмас ўйинчи», - дейди Франция президенти Quotidien билан суҳбатда.

Маълумот учун, Макрон «Марсель» клубининг мухлиси саналади. Франция президенти ЖЧ-2018дан буён Мбаппе билан доимий алоқада бўлиб келади.

Эслатиб ўтамиз, Мбаппенинг «ПСЖ» билан амалдаги шартномаси ёзда якунига етади. Франциялик 22 ёшли форвард эркин агент сифатида «Реал» сафига ўтмоқчи.