Россиянинг Украинадаги ҳарбий ҳаракатлари сабабли «Зенит» клубининг украиналик футболчиси Ярослав Ракицкий жамоани тарк этди.

Санкт-Петербург клуби расмий сайти хабарига кўра, 32 ёшли украиналик ҳимоячининг оиласи қийин вазиятда эканлиги сабабли келишув икки томонлама ўзаро бекор қилинган. 

Ракицкий 2019 йилдан буён Россиянинг амалдаги чемпиони шарафини ҳимоя қилиб келаётган эди. У жамоада 108 ўйинда майдонга тушиб, 7та гол ва 15та ассистга муаллифлик қилган.

Маълумот учун, «Зенит» Россия Премьер-лигаси 19-туридан кейин пешқадамликни давом эттираётган бўлса, Европа лигаси ўтиш баҳсида «Бетис»га мағлуб бўлиб, турнирни тарк этди.