Римнинг «Рома» клуби январь ойининг энг чиройли голи номига даъвогарларни эълон қилди.

Клубнинг инстаграм саҳифасидаги сўровномада ўзбекистонлик ҳужумчи Элдор Шомуродовнинг голи ҳам қатнашмоқда. Элдор Италия кубоги 1/8 финали доирасидаги «Лечче»га қарши баҳсда (3:1) жамоасининг ўйиндаги сўнгги голига муаллифлик қилганди.

«Ойнинг энг яхши голи» номига Лоренцо Пеллегринининг «Ювентус» (3:4) дарвозасига жарима зарбасидан киритган голи ҳам номзод сифатида кўрсатилган. Сўровномада қатнашиш учун қуйидаги манзилга ўтинг. 

Маълумот учун, Шомуродов жорий мавсум А Серияда 18 ўйинда 2та гол ва 3та ассист, кубок баҳсларида эса 1 ўйинда битта гол киритган.