Про лига ғолиби сифатида Суперлигага йўлланма олган Фарғонанинг «Нефтчи» клуби таркибини кучайтириш ишларини бошлаб юборган.

Фарғона клуби «Навбаҳор» ҳимоячиси Мирзоҳид Ғофуровга қизиқиш билдирмоқда. Ўтган мавсум жамоа сардори бўлган ҳимоячининг Самвел Бабаян мураббийлигидаги жамоада қолиши сўроқ остида. «Навбаҳор» Ғофуров ўрнига чап қанот ҳимоячиси Станислав Андреев билан шартнома имзолаши кутилмоқда. Илҳом Мўминжонов Суперлигада тўп сураётган бир қатор ўйинчилар билан музокара ўтказмоқда.

Аввалроқ, Наманган клубини Исломбек Исоқжонов ҳам тарк этиб, «Металлург» жамоаси билан шартнома имзолаган эди.

Аввалроқ, «Нефтчи» 7 нафар футболчиси билан шартномани узайтирганини эълон қилган эди. Клуб жамоа тўпурари Марко Обрадович, жамоа сардори Акмал Шораҳмедов билан хайрлашганди.