ЖЧ-2022 саралаш босқичи доирасидаги Бразилияга қарши ўйин (0:0) олдидан Аргентина миллий жамоаси Серхио Агуэрони қўллаб-қувватлади.

Аргентиналик футболчилар «Vamos Kun con todo!» («Бардам бўл, Кун, сен, уддалайсан») ёзувли баннер билан майдонга тушишди. Миллий жамоа ўйинчилари бу билан юрагидаги муаммо сабабли 3 ойга сафдан чиққан ва фаолиятини эрта тугатиши мумкин бўлган Серхио Агуэрони қўллаб-қувватлашди.

Маълумот учун, Серхио Аргентина миллий жамоаси сафида 101та ўйинда 41та голга муаллифлик қилган.