«Челси»нинг бельгиялик ҳужумчиси Ромелу Лукаку уни ҳеч қачон «Манчестер Юнайтед» ва Португалия форварди Криштиану Роналду билан таққосламасликларини сўради. 

«Мени ҳеч қачон Криштиану Роналду билан солиштирманг. Ҳеч қачон. У — мен учун футбол тарихидаги энг яхши 3 футболчидан бири. Уни айнан қайсидир ўринга қўймайман. 

А Серияда Криштиануга қарши ўйнаш бахтига муяссар бўлдим ва энди у Премьер-лигага қайтди. Бу лигага фойда келтиради. Қолганларига келсак, унинг статистикасини бошқалар билан таққослаш бефойда», — дея Лукакунинг сўзларини келтиради Goal. 

Эслатиб ўтамиз, ёзги трансферлар ойнасида Лукаку «Интер»дан «Челси»га, Роналду эса «Ювентус»дан «МЮ»га қайтди.