«Сампдория» президенти Массимо Ферреро Криштиану Роналдунинг А Серияни тарк этиши ҳақида фикр билдирди. 

«Еврокубокларда яхши натижага эришиш учун кимнидир мажбурлаб клубда ушлаб туришдан наф йўқ. Яхшиси, бундай футболчидан воз кечиш керак. Чунки, барибир улар бор кучи билан сиз учун ўйнамайди. 

Роналдунинг кетиши «Ювентус»даги барча учун ва ҳатто унинг ўзи учун ҳам фойдали. Криштиану энди ўзи хоҳлаганидек кучли бўла олмаслигини англаб етди», - дейди генуяликлар раҳбари. 

Эслатиб ўтамиз, 36 ёшли футболчи «Ювентус»дан «МЮ»га 15 млн евро эвазига ўтди. Манчестерликлар титул ютган тақдирда, Турин клубига 8 млн евролик бонус тўлаб бериши керак бўлади.