«Ювентус» ҳужумчиси Пауло Дибала «Манчестер Юнайтед»га трансфери расман эълон қилинган Криштиану Роналду билан хайрлашди.

«Сенинг олдингда ҳаракат қилиш, сендан футбол сир-синоатларини ўрганиш ажойиб бўлди. Бугун сенинг фаолиятингдаги яна бир босқич бошланмоқда ва сенга энг яхши тилакларимизни тилаб қоламиз. Тез орада кўришгунча, Криштиану», - деб ёзади аргентиналик футболчи. 

Эслатиб ўтамиз, Роналду «кекса сеньора» сафига 2018 йилда «Реал» сафидан келиб қўшилганди. У ўтган мавсумда 29та гол билан А Серия тўпурари бўлганди.