23.06.2021 17:45
3434
Теглар
ОЧЛ 1/8 финал ўйинлари мезбони ва санаси эълон қилинди. «Истиқлол» Эрон клубини Душанбеда қабул қилади

ОФК Осиё чемпионлар лигаси «Ғарб» минтақаси нимчоракфинал учрашувлари мезбони ва санасини эълон қилди.

Унга кўра, 1/8 финалга йўлланма олган жамоалардан Тожикистоннинг «Истиқлол» ва Эроннинг «Персеполис» жамоалари ўртасидаги учрашув Тожикистон пойтахти Душанбе шаҳрида ўтказиладиган бўлди. Бир ўйиндан иборат плей-офф учрашуви 14 сентябрь куни бўлиб ўтади. 

Бирлашган Араб Амирликларининг «Шарджа» ва «Ал-Ваҳда» клублари ўртасидаги ўйин эса БААнинг ўзида ўтказилади.

1/8 финалнинг қолган икки жуфтлигида рўбарў келадиган Эрон ва Саудия Арабистони клублари ўртасидаги ўзаро учрашувлар мамлакатлар ўртасидаги сиёсий зиддият туфайли нейтрал майдонда ўтказилиши эълон қилинган. «Истиқлол» (Эрон) - «Ал-Ҳилол» (Саудия Арабистони) ҳамда «Ан-Насср» (Саудия Арабистони) - «Трактор» (Эрон) ўйинлари ўтадиган нейтрал стадион тез орада маълум бўлади.

Эслатиб ўтамиз, ОЧЛ-2021 гуруҳ босқичи якунларига кўра, Олмалиқнинг ОКМК клуби «А» гуруҳида «Истиқлол» ва «Ал-Ҳилол»дан ортда қолиб 1/8 финалга чиқа олмаган бўлса, «Пахтакор» «B» гуруҳида «Трактор» ва «Шаржа»дан ортда қолиб, плей-оффга йўлланма олмаган эди. 

ОЧЛ. «Ғарб» минтақаси. 1/8 финал.
13 сентябрь (душанба)
«Истиқлол» (Эрон) - «Ал-Ҳилол» (Саудия Арабистони)
«Шаржа» (БАА) - «Ал-Ваҳда» (БАА)

14 сентябрь (сешанба)
«Истиқлол» (Тожикистон) - «Персеполис» (Эрон)
«Ан-Насср» (Саудия Арабистони) - «Трактор» (Эрон).

Эслатиб ўтамиз, ОЧЛ «Шарқ» минтақаси гуруҳ босқич ўйинлари энди бошланмоқда.

Турнир жадваллари
Жамоа
W D L Pts
Сўнгги янгиликлар
Долзарб хабарлар