«Аталанта» клуби яримҳимоячиси Руслан Малиновский Италия А Серияси май ойи якунларига кўра лауреатга айланди.

Украиналик футболчи май ойида ўтказилган «Аталанта» иштирокидаги 4 ўйинда 2та гол ва 3та голли узатмага муаллифлик қилган. Бергамо клуби эса 4 ўйинда 3 ғалаба ва 1 дуранг қайд этиб, турнир жадвалида 5-поғонадан 2-ўринга кўтарилиб олди. Ой лауреати соврини Руслан Малиновскийга А Серия сўнгги тури доирасидаги «Милан»га қарши ўйиндан олдин топширилади.

Маълумот учун, Малиновский А Серия жорий мавсумида 35 ўйинда 8та голга муаллифлик қилган.