Италия А Серияси расмий сайти декабрь ойи якунларига кўра, ой лауреатини эълон қилди.

«Милан» клуби яримҳимоячиси Ҳоқон Чалханўғли декабрь ойи якунларига кўра энг яхши футболчи деб топилган. Туркиялик футболчи ўтган ойда А Сериядаги 5 ўйинда битта гол ва 5та голли узатмага муаллифлик қилди.

Маълумот учун, «Милан» А Серия 15-туридан кейин 37 очко билан турнир жадвалида пешқадамлик қилмоқда.

Аввалроқ, Чалханўғлунинг миланликлар билан амалдаги шартномаси ёзда ниҳоясига етиши ва келишувни узайтириш борасида томонлар бир тўхтамга кела олмаётгани ҳақида хабар қилинганди.