Globe Soccer мукофоти 2020 йилги соврин учун даъвогарларнинг якуний учлик рўйхатини эълон қилди. 

«Йилнинг энг яхши футболчиси» номинациясида Криштиану Роналду («Ювентус»), Лионель Месси («Барселона»), Роберт Левандовски («Бавария») якуний рўйхатдан жой олган.

«Йилнинг энг яхши клуби» соврини учун эса «Бавария» (Германия), «Ливерпуль» (Англия) ва «Реал» (Испания) клублари даъвогарлик қилмоқда.

«Йилнинг энг яхши мураббийи» номи учун Жан Пьеро Гасперини («Аталанта»), Ҳанс-Дитер Флик («Бавария») ва Юрген Клопп («Ливерпуль») якуний номзодлар сифатида кўрсатилган. 

«Йилнинг энг яхши футболчиси» соврини учун бунгача рўйхатда бўлган Чиро Иммобиле («Лацио»), Карим Бензема («Реал»), Маркиньос («Пари Сен-Жермен»), Садио Мане («Ливерпуль») ва Серж Гнабри («Бавария») сингари футболчилар курашдан чиқишди.

Шунингдек, клублар орасида даъвогар бўлган «Ювентус» (Италия), «Пари Сен-Жермен» (Франция) ва «Севилья» (Испания), мураббийлар орасида эса Хулен Лопетеги («Севилья») ва Томас Тухель («Пари Сен-Жермен») рўйхатдан тушиб қолган.

Номинациялардаги ғолиблар номи декарь ойнинг учинчи ўнлигида эълон қилинади.