«ПСЖ» ҳужумчиси Неймар «Бавария»га (0:1) қарши Чемпионлар Лигаси финалидан сўнг ўзининг «твиттер»даги саҳифасида Мюнхен жамоасини ғалаба билан табрикламоқчи бўлди. Аммо бразилиялик «Бавария» ўрнига «Байер»ни табриклаб юборди.

«Мағлубият спортнинг бир қисмидир. Биз ишлаймиз, охиригача курашамиз. Қўллаб-қувватлаганингиз учун барчангизга раҳмат. «Байер»ни табриклаймиз», – деб ёзади Неймар.

Леверкузен клуби ҳам воқеага бефарқ бўлмади.

«Раҳмат, Неймар. Аммо нима учун таътилда эканлигимизда бизни табриклаётганингни тушунмаяпмиз. Аммо раҳмат», – деб ёзади «Байер»нинг «твиттер»даги саҳифаси.

Маълумот учун, леверкузенликлар ҳеч қачон Чемпионлар Лигасида ғалаба қозонишмаган.