ФИФА АҚШ президенти Дональд Трампнинг миллий жамоа ўйинларини ортиқ томоша қилмаслиги ҳақидаги эълонига муносабат билдирди. 

Эслатиб ўтамиз, Трампнинг бундай қарорга келишига сабаб АҚШ футбол федерацияси (USSF) футболчиларга давлат мадҳияси янграётганда тиз чўкиб ўтиришга рухсат берганидир. Тиз чўкиб ўтириш ирқий камситиш ва полициячиларнинг зўравонлигига қарши норозилик белгиси саналади. АҚШда қоратанли фуқаро Жорж Флойд ўлдирилганидан сўнг шундай норозиликлар давом этмоқда. 

«ФИФА бундай муҳим масалаларни муҳокама қилишда бағрикенглик, ўзаро ҳурмат ва тушунишни қўллаб-қувватлайди. ФИФА футболдаги ҳар қандай камситишга чидай олмайди. Биз ҳаммамиз ирқчилик ва зўравонликка қарши бўлишимиз керак», – дейди Associated Press.