ESPN ўз талқинига кўра, Англия Премьер-лигаси тарихидаги энг омадсиз трансферлар рўйхатини эълон қилди.

Унга кўра, сенегаллик Али Дианинг 1996 йилда «Саутҳемптон»га ўтгани АПЛ тарихидаги энг ёмон трансфер деб топилди. Ўшанда клуб бош мураббийи Грем Сунессга ўзини Жорж Веа дея таништирган бегона киши «ПСЖ» сафида ўзи билан бирга тўп сурган, Сенегал миллий жамоаси сафида иккита гол уришга эришган Али Диани англиялик мутахассисга тавсия қилади. «Сохта Веа»нинг гапига ишониб, трансферга қўл урилгач, Диа аслида африкалик ҳаваскор эканлиги маълум бўлади.

Энг омадсиз трансферлар рўйхатининг 2-ўринидан Дэниэл Дринкуотернинг «Лестер»дан «Челси»га ўтгани жой олган бўлса, учликдан Рикардо Альвареснинг «Интер»дан «Сандерленд»га трансфер қилингани кўрсатилган.

Шунингдек, топ-10ликдан Андрей Шевченко ва Марио Балотелли ҳам ўрин олди.

АПЛ тарихидаги энг омадсиз трансферлар ўнлиги:
1. Али Диа («Блайт Спартанс» — «Саутҳемптон», 1996 год)
2. Дэниэл Дринкуотер («Лестер» — «Челси», 2017)
3. Рикардо Альварес («Интер» — «Сандерленд», 2015)
4. Бошко Балабан («Динамо» (Загреб) — «Астон Вилла», 2001)
5. Адриан Муту («Парма» — «Челси», 2003)
6. Пабло Освальдо («Рома» — «Саутҳемптон», 2013)
7. Андрей Шевченко («Милан» — «Челси», 2006)
8. Томас Бролин («Парма» — «Лидс», 1995)
9. Винстон Богард («Барселона» — «Челси», 2000)
10. Марио Балотелли («Милан» — «Ливерпуль», 2014).

Топ 50таликда эса Алексис Санчес («Арсенал» — «Манчестер Юнайтед», 2018 йил), Сергей Ребров («Динамо» (Киев) — «Тоттенҳэм», 2000), Оуэн Харгривз («Бавария» — «Манчестер Юнайтед», 2007 ), Майкл Оуэн («Реал» — «Ньюкасл», 2005), Хуан Верон («Лацио» — «Манчестер Юнайтед», 2001), Фернандо Торрес («Ливерпуль» — «Челси», 2011), Анхель Ди Мария («Реал» — «Манчестер Юнайтед», 2014) жой олган.