Эрон миллий жамоаси ҳамда Россиянинг «Зенит» клуби ҳужумчиси Сардор Озмун янги мавсумни Европанинг етакчи чемпионатларидан бирида бошлаши мумкин. Бу ҳақда Football Italia хабар бермоқда.

Манбанинг ёзишича, Санкт-Петербург клубининг 25 ёшли форварди учун Мадриднинг «Атлетико», Лондоннинг «Вест Ҳэм» ва Италиянинг «Наполи» клублари кураш олиб бормоқда. «Зенит» клуби эронлик ҳужумчисини 35 миллион еврога баҳолаётган бўлса-да, ҳозирги шароитда 25 миллион еврога қўйиб юборишга тайёр.

Маълумот учун, Сардор Озмун Эрон миллий жамоаси сафида жами 50 ўйинда 32та гол, «Зенит» сафида эса 45 ўйинда 26та голга муаллифлик қилган.