«Манчестер Сити» яримҳимоячиси Давид Сильва фаолиятини Қатар чемпионатида давом эттириши мумкин, дея хабар беради TuttoMercatoWeb.

Манбада ёзилишича, 34 ёшли испаниялик футболчига «Ал-Дуҳайл» клуби шартнома таклиф қилмоқчи. Клуб вакиллари Сильванинг агенти билан учрашиб, эҳтимолий битим тафсилотларини муҳокама қилишган.

Сильва ушбу мавсумда Премьер-лиганинг 19та ўйинида 3та гол ва 7та голли узатмага муаллифлик қилди. Унинг «шаҳарликлар» билан амалдаги келишуви ёзда якунланади.