«Барселона» яримҳимоячиси Френки де Йонг «Реал»га қарши бўлажак ўйин ҳақида ўз фикрлари билан ўртоқлашди. 

«Ўтган йили «Аякс» билан уларга қарши ажойиб ўйин ўтказган эдик. Аммо энди бизни янги ўйин кутмоқда ва мен бошқа клубда ўйнаяпман, шунинг учун ҳаммаси бошқача бўлади.

Бу менинг биринчи класикойим бўлади. Мен «Барса» ва «Реал» ўртасидаги ўтган ўйинларни телевизорда кўрганман. Энг ёқтирган ўйиним – «Камп Ноу»да 5:0 ҳисобида «Барселона» ғалаба қозонган баҳс.

«Реал» билан ўйинлар доим алоҳида ҳолатдир. Бундан ташқари менинг оилам стадионда бўлишади ва улар бу ажойиб атмосферани ҳис қилишади», – деб де Йонгнинг сўзларини келтиради клуб расмий сайти.