25.03.2019 09:06
5708
Грузиялик футболчи рақиб жамоа ўйинчисига биринчи ёрдам кўрсатди

Грузия терма жамоасининг ярим ҳимоячиси Жано Ананидзе Швейцарияга қарши ўйинда рақиб жамоа ўйинчиси Фабиан Шерга майдонда биринчи ёрдам кўрсатди. 

Евро-2020’нинг саралаш ўйини давомида Шер грузиялик футболчи Жамол Табидзе билан тўқнашиб кетиб, ҳушини йўқотган. Шунда Шерга энг яқин турган Ананидзе унинг орқага кетиб қолган тилини тортиб олган. Ўз навбатида, тўқнашувнинг иккинчи жабрдийдаси Табидзе мия чайқалиши олган.

“Ҳеч нарсани эслай олмайман. Бир неча сония ҳушсиз бўлдим”, деб изоҳ берган вазиятга Шернинг ўзи. У жароҳатига қарамай, ўйиннинг охиригача майдонда ҳаракат қилган.

Учрашув Швейцариянинг 0:2 ҳисобидаги ғалабаси билан якунланган. 56-дақиқада Стивен Цубер, 80-дақиқада эса Денис Закариё грузинлар дарвозасини ишғол қилишга муваффақ бўлган. 

Турнир жадваллари
Жамоа
W D L Pts
Сўнгги янгиликлар
Долзарб хабарлар