09.11.2018 15:40
5113
Муроджон Аҳмадалиев илк камарини ҳимоя қилиш учун америкалик боксчига қарши рингга кўтарилади

Олимпиада ва жаҳон чемпионати совриндори Муроджон Аҳмадалиев профессионал боксдаги бешинчи жангини 24 ноябрь куни АҚШда ўтказади.

Атлантик Ситидаги «Hard Rock Hotel & Casino» аренасида ўтказиладиган жангда Аҳмадалиевга америкалик чарм қўлқоп устаси Исак Зарате рақиблик қилади. Муроджон ушбу жангда ўзининг WBA InterContinental камарини ҳимоя қилади. У август ойида чилилик боксчига қарши рингга кўтарилиб, рақибини биринчи рауддаёқ нокаутга учратган эди.

Маълумот учун, Муроджон Аҳмадалиев профессионал рингдаги фаолияти давомида 4 маротаба рингга чиқиб, уларнинг барчасида ғалаба қозонган. Ғалабаларнинг 3 тасини нокаут эвазига қўлга киритган.

Зарате эса 22 та жанг ўтказиб, 16 та ғалабага эришган. 3 та жангда мағлуб бўлган. Яна 3 та жангда эса дуранг қайд этган.

Турнир жадваллари
Жамоа
W D L Pts
Сўнгги янгиликлар
Долзарб хабарлар