«Қанотлилар» турнир финалида «Арлан» клубини мағлуб этди. 

Тошкентнинг «Ҳумо» хоккей клуби тарихда илк бор Қозоғистон кубогини қўлга киритди. 

Турнир финалида «қанотлилар» Кўкшетовнинг «Арлан» клубини қўшимча бўлимларда 2:1 ҳисобида мағлуб этди. 

Кубок доирасида «Ҳумо» бирорта ҳам мағлубиятга учрамади ва Қозоғистоннинг кубогини қўлга киритган биринчи хорижий жамоа бўлди. 

«Ҳумо» хоккей клуби 2019 йилда профессионал мақомини олган. 2022 йилда клуб Қозоғистон чемпионатида иштирок этиб, финалгача етиб борди ва маҳаллий «Номад» клубига имкониятни бой берганди.