Узбек O'zbek
Eldorning zarbasi plakatni yirtib yuborgan milliy jamoa mashg‘ulotidan fotogalereya
Seshanba, 08 Oktabr
6693

Bugun, 8 oktyabr kuni O‘zbekiston milliy jamoasi JAR stadionida Yaman va Singapurga qarshi o‘yinlar oldidan navbatdagi mashg‘ulotini o‘tkazdi. Vadim Abramov boshchiligidagi milliy jamoaning navbatdagi mashg‘ulotida o‘zbek futbolining eng yorqin yulduzi Eldor Shomurodov qatnashdi. SSKA bilan o‘yinda Rossiya chempionatidagi 10-golini urgan Eldor milliy jamoaga yuqori kayfiyatda keldi. Shomurodov mashg‘ulotga shunday kirishib ketdiki, uning zarbasidan so‘ng JAR sdadionidagi plakat yirtilib ketdi.

Mashg‘ulotda shuningdek Janubiy Koreyaning «Seul» jamoasida o‘ynaydigan Ikrom Aliboyev ham kelib qo‘shildi. Oston O‘runov, Jasur Yaxshiboyev, Dilshod Ahmadaliyev, Odil Hamrobekov va Lutfulla To‘rayev mashg‘ulotda qatnashmadi. Demak Abramov bu futbolchilarni Yaman va Singapurga qarshi o‘yinlar uchun qaydnomaga kiritmagan.

«Bunyodkor» himoyachisi Sanjar Qodirqulov esa milliy jamoa bilan shug‘ullandi. Abramov uni saralashning ikki o‘yinida Farrux Sayfiyevga raqobatchi sifatida qaydnomaga kiritishi ham mumkin. Kecha alohida shug‘allangan Odil Ahmedov va Temurxo‘ja Abduxoliqov bugun umumiy guruhda shug‘ullanishdi. Quyida milliy jamoa mashg‘ulotidan tayyorlangan fotogalereyani e’tiboringizga havola qilamiz.

 

 

Teglar

O'xshash yangiliklar

Tavsiya etamiz