Узбек O'zbek
«Манчестер Сити» дарвозабони ўрмон ёнғинида жабрланган оилаларга уй олиб берди
Шанба, 03 Август
2274

«Манчестер Сити»нинг чилилик дарвозабони Клаудио Браво ватандошларига ёрдам қўлини чўзди.

Daily Mail хабарига кўра, футболчи 2017 йили Чилида юз берган ўрмон ёнғинларида уйларидан ажралган 4 оилага янги уй олиб берди. Даҳшатли фожиада 11 инсон ҳалок бўлган, 3 мингдан ортиқ уйлар ва 400 минг гектар ҳудуддаги ўрмонлар ёниб кетган эди.

Жабрланган оилалардан бирида яшовчи 9 ёшли болакай Камило дарвозабондан футболкасини совға қилишни сўраган эди. Браво унинг илтимосини бажарди ва болакайнинг уйсиз эканини билиб қолди. Шундан сўнг у ўз ҳисобидан Камило ва яна учта оилага янги уй олиб берди. 

Клаудио Браво 2016 йилдан бери «Манчестер Сити» шарафини ҳимоя қилмоқда. Унинг маоши йилига 3,5 миллион еврога тенг.

Теглар

Ўхшаш янгиликлар

Тавсия этамиз