Узбек O'zbek
Питер Одемвингие «Бунёдкор» аъзосига айланадими?
Шанба, 09 Феврал
11685

Таниқли нигериялик футболчи Питер Одемвингие айни пайтда Тошкентда бўлиб турибди. Kun.uz манбасининг тасдиқлашича, уни «Бунёдкор» бош мураббийи Вадим Абрамов ўз клубида тўп суриш учун таклиф этган.

37 ёшли ҳужумчини бугун «қалдирғочлар»нинг «Бухоро»га қарши ўртоқлик учрашувини кузатаётган «Бунёдкор» мураббийлари билан кўришган. Манба маълумотига кўра, Абрамов ҳақиқатан ҳам уни жамоа ҳужум чизиғини кучайтириш мақсадида чақирган, аммо «Бунёдкор» раҳбариятига ушбу номзод билан шартнома имзолаш варианти маъқул келмаган.

Одемвингие эртага, 10 февраль куни Тошкентдан жўнаб кетиши кутилмоқда.



Маълумот учун, Питер 1981 йилда Тошкентда туғилган. Фаолияти давомида «Лилль», «Локомотив» Москва, «Вест Бромвич», «Кардифф» ва «Сток Сити» каби клубларда ўйнаган; Нигерия терма жамоаси сафида Африка миллатлар кубогининг уч карра бронза медали соҳиби бўлган. У 2017 йилдан буён Индонезиянинг «Мадура Юнайтед» клуби шарафини ҳимоя қилаётган эди.

Теглар

Ўхшаш янгиликлар

Тавсия этамиз