Япония терма жамоаси ҳужумчиси Европа Лигаси рамзий терма жамоасига киритилди
Nov. 9, 2018, 5:34 p.m. 1563

УЕФА Европа Лигаси гуруҳ босқичининг 4-тур ўйинлари якунига асосан, рамзий терма жамоасини эълон қилди.

Ундан Япония терма жамоаси ва «Зальцбург» клуби ҳужумчиси Такуми Минамино ҳам жой олди. Футболчи «Русенборг» (5:2) клубига қарши ўйинда 3та гол уришга муваффақ бўлди.

Эслатиб ўтамиз, Япония терма жамоаси Осиё Кубоги – 2019да Ўзбекистон терма жамоаси билан бир гуруҳдан жой олган.

Рамзий терма жамоа таркиби қуйидагича:

Дарвозабон: Андрес Фернандес («Вильярреал»);
Ҳимоячилар: Константинос Цимикас («Олимпиакос»), Виталий Миколенко («Динамо» Киев), Тин Едвай («Байер»), Киран Тирни («Селтик»);
Яримҳимоячилар: Вандерсон Соуза («Краснодар»), Константинос Фортунис («Олимпиакос»), Мият Гачинович («Айнтрахт» Франкфурт), Матье Вальбуэна («Фенербахче»);
Ҳужумчилар: Такуми Минамино («Ред Булл Зальцбург»), Эмилио Селайя («Аполлон»).