Россия кубоги. «Спартак» «Анжи»ни мағлуб этди, Ҳамдамов захирадан майдонга тушди
Nov. 2, 2018, 9:34 a.m. 1238

Россия кубогида чорак финалнинг барча иштирокчилари номи маълум бўлди. Кеча нимчорак финал доирасидаги сўнги 3 та учрашув бўлиб ўтди.

«Зенит» сафарда «Ростов» билан беллашиб, 1:3 ҳисобида ютқазди ва мусобақани тарк этди. Ҳамюртимиз Элдор Шомуродов мезбонлар таркибида захирадан майдонга тушди.

«Крилья Советов» ўз майдонида «Краснодар»га қўшимча вақтда 1:2 ҳисобида ютқазди. Виталий Денисов мезбонларнинг асосий таркибида майдонга тушди.

Куннинг сўнгги баҳсида ўз майдонида «Анжи»ни қабул қилган «Спартак» франциялик яримҳимоячиси Софьян Ханнининг голи эвазига ғолиб чиқди. Бу москваликлар учун италиялик мутахассис Массимо Керреранинг истеъфосидан кейинги илк ғалаба бўлди. Учрашувда «Анжи»нинг ўзбекистонлик 22 ёшли хавбеки Достонбек Ҳамдамов  83-дақиқада захирадан майдонга тушиб, 90-дақиқада огоҳлантириш олди.

Кубок сеткасига асосан, чорак финалда «Локомотив»-«Рубин», «Краснодар»-«Ростов», «Спартак»-«Урал»,«Оренбург»-«Арсенал» жуфтликлари баҳс олиб боради. Бу йилдан эътиборан ушбу босқичдан бошлаб жамоалар иккитадан уй-сафар тизимида иккитадан ўйин ўтказади. Учрашувлар санаси ҳозирча номаълум.

Эслатиб ўтамиз, бош соврин соҳиби Европа лигаси гуруҳ босқичига йўлланмани қўлга киритади.

Россия кубоги, 1/8 финал
1 ноябрь
Крилья Советов – Краснодар 1:2 (0:0, 1:1, 0:0) қ.в.
Голлар: 1:0 – 54 Соболев, 1:1 – 76 Классон, 1:2 – 111 Игнатьев. 
Крилья Советов – Рижиков, Самаржич, Тигиев, В.Денисов (Зотов, 104), Рохель, Антон, Башкиров, Яковлев (Ткачук, 83), Мияйлович (Чочиев, 46), Канунников, Соболев (Корниленко, 90).
Краснодар – Сафонов, Спайич (Мартинович, 105), Рамирес, Марков, Фьолусон, Уткин (Перейра, 70), Стоцкий (Классон, 67), Вандерсон, Каборе (Газинский, 64), Шишкин, Игнатьев.
Огоҳлантиришлар: Соболев (40), Мияйлович (44), Стоцкий (47), Спайич (68).

Ростов – Зенит 3:1 (1:1, 2:1)
Голлар: 1:0 – 4 Логашов, 1:1 – 29, пенальти Дриусси, 2:1 – 83 Юсупов, 3:1 – 90 Хажикадунич. 
Ростов – Песьяков, Хажикадунич, Ингасон, Логашов, Скопинцев, Ионов, Гацкан, Зуев, Калачев (Сигурдссон, 86), Салетрос (Юсупов, 70), Кьяртанссон (Э.Шомуродов, 89).
Зенит – Лунев, Набиуллин, Иванович, Анюков, Нету, Оздоев (Дзюба, 85), Шатов, Ерохин, Краневиттер (Эрнани, 62), Дриусси (Кузяев, 87), Заболотний.
Огоҳлантиришлар: Ионов (13), Ингасон (28), Заболотний (68), Нету (83), Скопинцев (90), Иванович (90).

Спартак – Анжи 1:0 (1:0, 0:0)
Гол: 1:0 – 20 Ханни.
Спартак – Ребров, Рассказов, Джикия, Кутепов, Мельгарехо, Еременко (Игнатов, 62), Ломовицкий, Тимофеев, Ханни, Глушаков (Попов, 88), Самедов (Ташаев, 73).
Анжи – Дюпин, Чансельор, Гапон, Удалый, Кулик, Рабиу (Ондуа, 86), Гиголаев, Глебов (Ҳамдамов, 83), Савичев, Чайковский (Кацаев, 70), Понсе.
Огоҳлантириш: Чансельор (40), Тимофеев (87), Ҳамдамов (90), Кутепов (90).