Россияда жаҳон чемпионати старт олади
June 14, 2018, 10:47 a.m. 7243

Бугун, 14 июнь куни Россияда жаҳон чемпионати ўйинларига старт берилади. 

2010 йил 2 декабрь куни мундиални ўтказиш мезбонлиги бу мамлакатга топширилган эди. Орадан 2751 кун ўтиб, Россия ўз эшикларини дунё терма жамоалари ва мухлислар учун очмоқда. 

Бир неча соатлардан сўнг, Москвадаги «Лужники» стадионида мусобақанинг очилиш маросими бошланади. Соат 20:00да майдонга Россия ва Саудия Арабистони терма жамоалари тушиб келишади.

32та жамоа, 736 нафар футболчи, ўнлаб ҳакамлар, стадиондаги ўн минглаб мухлислар, ТВ экрани олдидаги миллионлаб одамлар бир ой давомида ҳамнафас бўлишади. 

Футбол байрами бошланмоқда!