Уругвай жаҳон чемпионати учун кенгайтирилган таркибни эълон қилди
May 16, 2018, 9:12 a.m. 4367

«ПСЖ» ҳужумчиси Эдинсон Кавани ва «Барселона» ҳужумчиси Луис Суарес Уругвай терма жамоасининг 2018 йилги жаҳон чемпионати учун кенгайтирилган таркибидан ўрин олган.

Кавани Франция чемпионатида жорий мавсумда 32 ўйинда 28 гол урган ҳолда тўпурар бўлди, Суарес 25 гол билан Испания чемпионати тўпурарлар пойгасида Криштиану Роналду билан иккинчи ўринни бўлишиб турибди, биринчи ўринда унинг жамоадоши Лионелю Месси (34 гол).

Жаҳон чемпионати ўйинлари Россиянинг 11 шаҳридаги 12 стадионда ўтказилади. Уругвай терма жамоаси A гуруҳида Миср (15 июнь, Екатеринбург), Саудия Арабистони (20 июнь, Ростов-на-Дон) ва Россия (25 июнь, Самара) терма жамоаларига қарши курашади.

Уругвай терма жамоаси таркиби:
Дарвозабонлар - Фернандо Муслера («Галатасарой», Туркия), Мартин Сильва («Васко да Гама», Бразилия), Мартин Кампанья («Индепендьенте», Аргентина);
Ҳимоячилар - Диего Годин, Хосе Мария Хименес (иккиси - "Атлетико", Испания), Себастьян Коатес ("Спортинг", Португалия), Максимильано Перейра ("Порту", Португалия), Гастон Сильва ("Индепендьенте", Аргентина), Мартин Касерес ("Лацио", Италия), Гильермо Варела ("Пеньяроль");
Ярим ҳимоячилар - Найтан Нандес ("Бока Хуниорс", Аргентина), Лукас Торрейра, Гастон Рамирес (иккиси - "Сампдория", Италия), Матиас Весино ("Интер", Италия), Федерико Вальверде ("Депортиво", Испания), Родриго Бентанкур ("Ювентус", Италия), Карлос Санчес, Жонатан Урретабискайя (иккиси - "Монтеррей", Мексика), Жоржиан де Арраскаэта ("Крузейро", Бразилия), Диего Лаксальт ("Женоа", Италия), Кристиан Родригес ("Пеньяроль"), Николас Лодейро ("Сиэтл", АҚШ);
Ҳужумчилар - Кристиан Стуани ("Жирона", Испания), Максимилиано Гомес ("Сельта", Испания), Эдинсон Кавани (ПСЖ, Франция), Луис Суарес ("Барселона", Испания).