Роберт Левандовски Бундеслига тўпурари бўлди
May 12, 2018, 10:17 p.m. 1404

«Бавария» ҳужумчиси Роберт Левандовски яна Германия чемпионати тўпурари бўлди.

Польшалик футболчи жорий мавсумда 30та ўйинда майдонга тушиб, 29та гол урди. Унга бу борада ҳеч ким жиддий қаршилик кўрсата олмади. Иккинчи ўринни эгаллаган «Фрайбург» ҳужумчиси Нильс Петерсен атиги 15та гол урди.

Левандовски фаолиятида учинчи марта Бундеслига тўпурари бўлмоқда. Аввалроқ у «Боруссия» Д таркибида 2013/14 мавсумида 20та гол билан, «Бавария» таркибида 2015/16 мавсумида 30та гол билан энг яхши бўлган эди.

Бундеслига 2017/18 мавсуми тўпурарлари:

29 - Роберт Левандовски (Бавария, 6 пен)
15 - Нильс Петерсен (Фрайбург, 5)
14 - Никлас Фюллькруг (Ҳанновер, 3), Марк Ут (Ҳоффенҳайм), Кевин Фолланд (Байер)
13 - Тимо Вернер (Лейпциг, 2), Михаэль Грегорич (Аугсбург, 1), Андрей Крамарич (Ҳоффенҳайм, 2), Пьер-Эмерик Обамеянг (Боруссия Д, 3)
12 - Альфред Финнбогасон (Аугсбург, 3), Саломон Калу (Ҳерта, 1), Сандро Вагнер (Бавария, 1)
11 - Гвидо Бургшталлер (Шальке)
10 - Дави Зельке (Ҳерта, 1), Торган Азар (Боруссия М, 5), Серж Гнабри (Ҳоффенҳайм)