Италия терма жамоаси аъзоси 31 ёшида вафот этди
March 4, 2018, 5:09 p.m. 11038

«Фиорентина» ва Италия терма жамоаси аъзоси Давиде Астори меҳмонхона номеридан жонсиз ҳолда топилди.

Football Italia тарқатган хабарга кўра, 31 ёшли футболчи Удинедаги меҳмонхонада вафот этган. У жамоаси билан А Сериянинг 27-тури доирасида «Удинезе»га қарши ўйинда иштирок этиш учун келганди.

Клуб матбуот хизмати жамоа сардори вафот этгани ҳақидаги маълумотни тасдиқлаган, фожиа тафсилотлари маълум қилинмаяпти.

Футболчининг ўлими туфайли «Удинезе» — «Фиорентина» ўйини қолдирилган.