Ўзбекистон U-23 Уммонга қарши учрашувга тайёргарликни бошлади
Jan. 14, 2018, 5:22 p.m. 3707

Хитойда давом этаётган U-23 ёшлар ўртасидаги Осиё чемпионатида иштирок этаётган Ўзбекистон U-23 терма жамоаси бугун 3-тур учрашуви бўлиб ўтадиган Жиянгйин шаҳрига етиб борди ва Уммон олимпия терма жамоасига қарши ўйин олдидан ўзининг илк машғулотини ўтказди. Бу ҳақда ЎФФ расмий сайти хабар тарқатди.

Таъкидлаш лозим, терма жамоа бугун тўлиқ таркибда машғулот ўтказди. Илк учрашувдаги жароҳати туфайли Хитойга қарши 2-турда майдонга туша олмаган терма жамоа ҳимоячиси Акром Комилов ҳам бугунги машғулотларда иштирок этди ва якка тартибда шуғулланди.

Эслатиб ўтамиз, Ўзбекистон ёшлари Хитойга қарши учрашувдаги ғалабадан сўнг, айни дамда турнир жадвалида 2-ўринда бораётган бўлса, Қатар ёшлар терма жамоаси иккита ғалабадан сўнг 6 очко билан турнир жадвалида пешқадам бўлиб турибди.

Уммон ёшлар терма жамоасига қарши «A» гуруҳи 3-туридан ўрин олган учрашув 15 январь куни ўтказилади. Учрашув Тошкент вақти билан соат 13:00да старт олади.