Испания кубоги. «Барса» «Сельта»га 5та гол урди, «Севилья» ва «Эспаньол» чорак финалга чиқди
Jan. 12, 2018, 8:26 a.m. 4420

Испания кубогининг 1/4 финали учта янги иштирокчиси номи маълум бўлди. Буларга «Севилья», «Эспаньол» ва «Барселона» айланди.

«Севилья» «Кадис» устидан меҳмонда қозонилган ғалабадан сўнг, ўз майдонида ҳам устун келди. Мезбонлар сафида Виссам Бен-Йеддер ва Хоакин Корреа гол киритди.

«Эспаньол» «Леванте» билан меҳмонда кечган ўйинда уйдаги мағлубиятдан сўнг керакли ҳисобда ғалаба қозонди. Каталония жамоаси сафида Лео Баптистау ва Херар Морено ўз номини таблога ёздириб қўйди.

«Барселона» эса жорий мавсумдаги Испания кубогининг сўнгги чорак финалчисига айланди. Каталония клуби мусобақа 1/8 финали доирасидаги жавоб беллашувида «Сельта»ни 5:0 ҳисобида таслим этди.

Лионель Месси 15-дақиқага келиб дубль қайд этди, Хорди Альба ва Луис Суарес биринчи бўлим ўрталарига қадар уч дақиқа ичида яна биттадан гол урди. Иван Ракитич 87-дақиқада якуний ҳисобни ўрнатди.

30 ёшли Месси Испания кубогида урган голлари сонини 46га етказди ва мусобақа тарихидаги тўпурарлар топ-10га кирди.

Испания кубоги чорак финалига қуръа ташлаш маросими 12 январь куни бўлиб ўтади.

Барселона – Сельта 5:0 (4:0, 1:0)
Голлар
: 1:0 – 13 Месси, 2:0 – 15 Месси, 3:0 – 28 Альба, 4:0 – 31 Суарес, 5:0 –87 Ракитич.
Барселона – Силлессен, Пике (Вермален, 46), Альба, Нелсон Семеду, Маскерано, Ракитич, Бускетс, Андре Гомеш, Иньеста (Хосе Арнаис, 63), Суарес, Месси (Дембеле, 59).
Сельта – Альварес, Гомес, Кастро, Мальо, Фонтас, Лоботка, Хосабед, Мор, Васс (Радоя, 46), Систо (Браис Мендес, 57), Аспас (Макси Гомес, 46).
Биринчи ўйин – 1:1

Севилья – Кадис 2:1 (1:0, 1:1)
Голлар
: 1:0 – 31 Бен-Йеддер, 2:0 – 54 Корреа, 2:1 – 86 Гарсия Ривера.
Севилья – Рико, Кароль, Коршья, Лангле, Меркадо, Банега (Васкес, 73), Корреа, Сарабия, Гайс, Нзонзи (Писарро, 83), Бен-Йеддер (Муриэль, 78).
Кадис – Яньес, Корреа (Гарсия Ривера, 69), Сервандо, Кецоевич, Оливан, Айтор Гарсия (Каррильо, 61), Абдулла, Нико Идальго, González, Барраль(Вальдеррама, 61), Траоре.
Огоҳлантиришлар: Оливан (26), González (74).
Биринчи ўйин – 2:0

Леванте – Эспаньол 0:2 (0:2, 0:0)
Голлар
: 0:1 – 14 Баптистао, 0:2 – 34 Морено.
Леванте – Фернандес, Кабако, Тоньо, Мур, Родригес, Лукич (Моралес, 63), Кампанья, Барди, Саму (Иви Лопес, 46), Джейсон, Нано (Боатенг, 46).
Эспаньол – Лопес, Эрмосо, Налдо, Вила, Лопес Сильва, Гранеро, Хави Фуэго, Хурадо (Дардер, 83), Марк Наварро, Баптистао (Гарсия, 79), Морено.
Огоҳлантиришлар: Эрмосо (21), Лукич (42), Боатенг (61).
Биринчи ўйин – 2:1