«Барселона» яна бир трансфер масаласини ҳал қилди
Jan. 7, 2018, 6:16 p.m. 18330

Бразилиянинг «Палмейрас» клуби ҳимоячиси Йерри Мина қишки трансферлар вақтидаёқ «Барселона» футболчисига айланади. Бу ҳақда RAC1 радиостанцияси хабар тарқатди.

Каталония радиоси берган маълумотга кўра, клублар 23 ёшли Минанинг трансферини 12 миллион евро эвазига амалга ошириш бўйича келишиб олган.

Колумбиялик футболчи чоршанба куни «Барса»нинг янги аъзоси сифатида таништирилиши кутилмоқда.

Эслатиб ўтамиз, 6 январь куни «Барселона» қишки трансферлар вақтидаги илк трансферини амалга ошириб, Коутиньони ўз сафига қўшиб олганди.