Килиан Мбаппе ва Усмон Дембеле Чемпионлар Лигаси яримфинал жавоб ўйинида энг паст баллни олишди. 

«ПСЖ» яримфиналда «Боруссия Д»га икки марта (0:1, 0:1) ютқазиб, Чемпионлар Лигасидан чиқиб кетди.

L'Equipe Париждаги ўйин натижаларига кўра Мбаппе ва Дембеленинг ўйинини 10 баллик тизимда 2 баллга баҳолади — бу ҳар икки жамоа бўйича энг паст кўрсаткичдир.

Парижликлар устози Луис Энрике, ҳужумчи Гонсалу Рамуш, яримҳимоячилар Уоррен Заир-Эмери ва Фабиан Руис, ҳимоячи Лукас Бералдога 3 очко берилди. 

Яримҳимоячи Витиня «ПСЖ»да энг юқори баллга эга — 7.

«Боруссия»да гол муаллифи ҳимоячи Матс Ҳуммелс ва мураббий Эдин Терзич энг юқори баллга эга бўлишди – 8 очкодан, энг паст кўрсаткич эса ҳужумкор ўйинчилар Никлас Фуллкруг ва Жейдон Санчода — 5.

Италиялик бош ҳакам Даниэле Орсато 7 баллга лойиқ кўрилди.