Осиё кубоги U23 финалида Японияга минимал ҳисобда мағлуб бўлган Ўзбекистон олимпия жамоасининг Париж-2024да қайси гуруҳдан жой олиши ойдинлашди.

Темур Кападзе шогирдлари Осиёнинг иккинчи рақамли жамоаси сифатида 16 жамоа иштирок этадиган турнирнинг «С» гуруҳидан ўрин олишди. Рақибларимиз – Испания, Миср ва Доминикан Республикаси бўлади.

Ўзбекистон гуруҳ босқичини Европа вице-чемпиони саналмиш Испанияга қарши ўйин билан бошлайди. Иккинчи турда эса Африканинг иккинчи жамоаси бўлган Мисрга қарши саф тортса, 3-турда мусобақага Шимолий Американинг 2-жамоаси сифатида келган Доминиканга қарши ўйнайди.

«С» гуруҳи тақвими билан танишинг:

1-тур. 24 июл

18:00. Ўзбекистон – Испания

20:00. Миср – Доминикан

2-тур. 27 июл

18:00. Доминикан – Испания

20:00. Ўзбекистон – Миср

3-тур. 30 июл

18:00. Доминикан – Ўзбекистон

20:00. Испания – Миср

Ўйинлар Тошкент вақти билан кўрсатилган.