Пеп Гвардиола «Ман Сити»га келганида, футболчиларни ортиқча вазни учун танқид қилган.

Подкастда «шаҳарликлар»нинг собиқ ҳимоячиси Гаэл Клиши мураббийнинг 2016 йилда келганидан кейинги нутқини айтиб берди: «Сизлар семиз футболчиларга тўла жамоасиз. Менинг қўл остимда бундайлардан ҳеч ким ўйнамайди. Бу борада шуғулланинг. Агар рози бўлмасангиз, эшигимни тақиллатинг ва кетишингизни муҳокама қиламиз. Агар қолсангиз, қишки трансферлар ойнасигача бу ҳақда бир оғиз ҳам эшитишни хоҳламайман». 

Олдинроқ франциялик футболчи Маrca'га берган интервюсида вазни меъёридан 2 кг ошган ҳеч бир футболчи Гвардиола билан машғулот ўтказмаганини айтганди.

Гаэл бир йил Пеп қўл остида ўйнаган, шундан сўнг Туркияга кетганди.