Андре Виллаш-Боаш «Порту»нинг янги президенти этиб сайланди. 

«Порту», «Челси» ва «Зенит» клубларидаги фаолияти билан ҳам танилган собиқ мураббий сайловларда клубни 1982 йилдан буён бошқариб келаётган Пинту да Коштани ортда қолдирди – 80,28 фоиз овозга 19,89 фоиз.

Фабрицио Романога кўра, президент алмашинуви «аждарлар»  бош мураббийи Сержиу Консейсаунинг фаолиятига таъсир қилиши мумкин. Шартномасини 2028 йилгача узайтирган мутахассис билан келишув бекор қилиниши мумкин.

«Порту» бу мавсумда Португалия чемпионатида пешқадам «Спортинг»дан 18 очкога ортда қолган ҳолда 3-ўринда бормоқда.