«Реал» бош мураббийи Карло Анчелотти Ла Лига 32-туридан ўрин олган «Барселона»га (3:2) қарши баҳсдан сўнг ўз фикрлари билан ўртоқлашди. 

«Тенг ўйин бўлди. Биз чемпионатга интригани қайтариш учун бор кучини сарфлаган рақиб билан учрашдик. Турли вазиятларда яхши кураша олдик. Икки марта қаршилик кўрсатишга тўғри келди ва буни уддаладик. Ва бу ҳафтада қолган сўнгги томчи кучимизни ишлатиб, ғалаба голини уришга муваффақ бўлдик ва бу унутилмас.

Жамоа билан фахрланаман, улар иккита жуда қийин ўйин ўтказишди. Ажойиб ишладик ва ҳозир хурсандмиз. Энди мавсумнинг сўнгги қисмига тайёргарлик кўришимиз керак. Яхши ҳолатдамиз, бизда катта хоҳиш ва иштиёқ бор. «Бернабеу»да ажойиб муҳитда ўйнаяпмиз. Ишонаманки, бу мавсумда биргаликда ижобий натижага эришамиз.

Ла Лигада чемпионлик анча яқинлашиб қолди. Келинг, шу руҳда давом этайлик. Энди дам олишимиз керак, чунки ҳафта оғир ва унутилмас бўлди», — дея мадридликлар устозининг сўзларини келтиради AS.