«Манчестер Сити» кетма-кет мағлубиятсиз ўйинлар сони бўйича клуб рекордини ўрнатди.

Англия Кубоги яримфиналида «шаҳарликлар» «Челси»ни 1:0 ҳисобида мағлуб этди.

Пеп Гвардиола шогирдлари барча мусобақаларда сўнгги 29 баҳснинг (23 ғалаба, 6 дуранг) асосий ва қўшимча вақтларида ютқазмай, клуб рекордини ўрнатди. 

Статистикада пеналтилар сериясидаги мағлубият ҳисобга олинмайди. Шу ҳафтада «Сити» ЕЧЛ 1/4 финалининг жавоб ўйинида (1:1, 3:4 – пеналтилар бўйича) «Реал»га айнан «лотерея»да ютқазганди.