Аббос Файзуллаев атайин сариқ карточка олмаганини айтди.

ЦСКА яримҳимоячиси «Ахмат» билан ўйинда (1:2) РПЛда ушбу мавсумдаги 4-сариқ карточкасини олди ва натижада «Спартак» билан бўлажак баҳсни ўтказиб юборадиган бўлди.

25 апрелдаги «Қизил-оқлар» билан ўйиндан сўнг футболчи Ўзбекистон U-23 миллий жамоаси сафида Осиё Кубогида иштирок этиш учун кетиши керак эди. Энди у Доҳага эртароқ йўл олиши мумкинми? Аббос МатчТВ мухбири саволларига жавоб берди. 

— Атайлаб сариқ карточка олдингизми? 

— Йўқ, мен бундай одам эмасман.

— Энди миллий жамоага кетасизми?

— Билмайман, — деди Файзуллаев.