Россия Премьер-лигаси 25-тури доирасида ЦСКА ўз майдонида мағлубият учради.

Учрашувда Чалов ҳисобни очган бўлса-да, москваликлардан Роша ва Дивеевнинг ўйин давомида майдондан четлатилиши якунда натижага таъсир қилди. Конате ва Беришанинг сўнгги дақиқалардаги голлари Чеченистон клубига ғалаба келтирди – 2:1. Москваликлар 37 очко билан 5-ўринда бормоқда. «Ахмат» эса 23 очко билан 14-ўринга кўтарилди.

Қайд этиш жоиз, Аббосбек Файзуллаев асосий таркибда майдонга тушиб, 7-дақиқада ҳакам томонидан огоҳлантирилди. Бу унинг турнирдаги 4-сариқ карточкаси бўлди ва Аббосбек дисквалификация сабабли навбатдаги турда «Спартак»га қарши ўйинни ўтказиб юборади.

Шу тариқа, Аббосбек аввал хабар қилинганидек 25 апрел куни «Спартак» билан ўйиндан кейин эмас, эртагаёқ Қатарга жўнаб, Ўзбекистон олимпия жамоаси сафига келиб қўшилиши мумкин. Кападзе шогирдлари кейинги босқичга йўлланма олди, жамоамиз 3-турда Ветнамга қарши майдонга тушса, чоракфинал баҳсини 26 апрел куни ўтказади. Аббосбек бу баҳсларда майдонга тушиши имкониятига эга бўлади.

РПЛ. 25-тур

ЦСКА – Ахмат 1:2

Голлар: 1:0 – 62, пенальти Чалов, 1:1 – 79 Конате, 1:2 – 87 Бериша.

ЦСКА – Тороп, Гайич, Мойзес, Виллиан Роша, Здьелар, Агапов, Обляков, Мендес (Дивеев, 32), Файзуллаев (Давила, 64), Чалов (Заболотний, 64), Мусаев.

Ахмат – Шелия, Тодорович (Ловат, 70), Семенов, Шатара, Гандри, Богосовац (Олейников, 76), Тимофеев, Камило, Садулаев (Швец, 90), Ковачев (Бериша, 70), Агаларов (Конате, 70).

Огоҳлантиришлар: Файзуллаев (7), Камило (33), Семенов (39), Дивеев (44), Мойзес (56), Ковачев (67).

Четлатишлар: Виллиан Роша (19), Дивеев (89).