«Манчестер Сити» бош мураббийи Хосеп Гвардиола ЕЧЛ 1/4 финалидан ўрин олган «Реал» (1:1, пен — 3:4, биринчи ўйин — 3:3) билан баҳсдан сўнг ўз фикрларини билдирди. 

«Ғалабани хоҳлагандим, лекин «Реал»ни табриклайман. Қўлимиздан келганини қилдик ва ҳар томонлама ажойиб ўйнадик. Афсуски, ғалаба қозона олмадик — шундай.

Футболда асосийси — голлар ва рақиб пеналтиларни биздан бироз яхшироқ тепди. Улар яримфиналга чиқишди, биз эриша олмадик. Ҳаммасини деталлар ҳал қилди. 

Баъзида пеналтиларда ғалаба қозонасиз, баъзида эса йўқ», — дея «шаҳарликлар» устозининг сўзларини келтиради УЕФА расмий сайти.