«Атлетико» Чемпионлар Лигасининг чоракфиналидан чиқиб кетганига қарамай, КЖЧ-2025да иштирок этади.

Мадрид клуби УЕФА рейтингида «Барселона»дан ўзиб кетди ва 2025 йилда АҚШда бўлиб ўтадиган клублар ўртасидаги жаҳон чемпионатида қатнашадиган Европанинг 11-клубига айланди.

Турнир июн-июл ойларида 32 та клуб (4 жамоадан иборат 8 гуруҳ) ўртасида ўтказилади. «Атлетико» унда иштирок этгани учун 50 млн евро олади.

Аввалроқ «Челси», «Реал», «Манчестер Сити», «Бавария», «ПСЖ», «Интер», «Порту», «Бенфика», «Боруссия Дортмунд» ва «Ювентус» ҳам 2025 йилги турнирда иштирок этиш ҳуқуқини қўлга киритганди.

Сешанба куни «Атлетико» ЕЧЛ чоракфиналида Дортмунднинг «Боруссия»сига (2:4, биринчи ўйин — 2:1), «Барселона» эса «ПСЖ»га (1:4, биринчи ўйин — 3:2) мағлуб бўлиб мусобақа билан хайрлашди.