Криштиану Роналду икки ўйинга дисквалификация қилинади.

Эслатиб ўтамиз, Саудия Арабистони Суперкубоги яримфиналида «Ал Ҳилол» «Ан Наср»ни мағлуб этган (2:1) ва баҳснинг 86-дақиқасида бош ҳакам португалиялик ҳужумчига қизил карточка кўрсатганди. «Ан Наср» етакчиси тирсаги билан рақибнинг юзидан итариб юборган, кейин эса ҳакамга мушт ишорасини қилганди. 

Тартиб-интизом қўмитаси Криштианунинг тушунтиришларини ўрганиб чиқди ва уни икки ўйинга четлатишга қарор қилди. Бу ҳақда қўмитадаги манбаларга таяниб, Asharq Al-Awsat хабар берди.

19 апрел куни «Ан Наср» Саудия Арабистони чемпионатида «Ал Файҳа», 27 апрелда эса «Ал Халиж» билан тўқнаш келади.