Юрген Клопп 11 май куни «Арсенал» билан ўйинда «Манчестер Юнайтед»ни қўллаб-қувватлашини тан олди.

«Тўлиқ қўллаб-қувватлайман. Унгача чемпионлик пойгасида қолсак, бу ажойиб бўлади.

Аммо «Арсенал» — яхши жамоа. Агар «Манчестер Юнайтед» бугунгидек ўйнаса, «Арсенал» ғалаба қозонади. Бунга 100 фоиз аминман.

Афсуски, бу факт. Биз иккала ўйинда ҳам («МЮ»га қарши) ғалаба қозонишимиз керак эди, аммо буни уддалай олмадик. Бунга ўзимиз айбдормиз», — деди «Ливерпул» бош мураббийи.