«Реал» дарвозабони Тибо Куртуа қачон майдонга қайтишни режалаштираётганини айтди. 

«Ой охирида гуруҳ билан машғулотларда қатнашаман», — дея Куртуанинг сўзларини келтирган Фабрицио Романо. 

Аввалроқ, Маrca нашри Тибонинг бу мавсум бошқа ўйнай олмаслиги ҳақида ёзганди. 

Эслатиб ўтамиз, белгиялик 31 ёшли посбон ўтган йил август ойида машғулот вақтида хочсимон пайларидан шикастланиб, операция қилинганди. Шундан кейин март ойида машғулотларга қайтган Куртуа жароҳатини қайталаб, сафдан чиққанди.